Fresh grads hinikayat kumuha ng CSC exam

MANILA, Philippines — Umapela si Civil Service Commissoner Atty. Aileen Lizada sa mga bagong graduate na kumuha ng pen and paper exam sa Civil Service Commission (CSC).

Ayon kay Lizada, dapat samantalahin ng mga bagong graduate ang pagkuha ng CSC exam habang bago pa ang kanilang mga kaalaman at mas advantage umano ito sa kanila.

Base sa datos ng CSC, may kabuuang 279,410 ang nagparehistro para kumuha ng pen and paper exam nitong Marso.

Sa nasabing bilang, 243,793 dito ang kumuha sa professional level habang 35,617 ang sub-professional level.

Ang Civil Service exam ay maaaring kunin ng kahit sinong Filipino na may edad na 18 anyos pataas, walang criminal record at walang dishonorably discharged mula sa military service o nadismis sa anumang civilian position sa gobyerno at hindi pa rin nakakuha ng katulad na exam sa loob ng tatlong buwan mula ng huli siyang kumuha ng eksaminasyon.

Muli naman itinakda ang pen and paper exam sa Agosto 2019.