Katiting na rolbak ipatutupad
MANILA, Philippines — Bahagyang makakahinga ang mga motorista ngayong papasok na linggo makaraang magpahayag ng rolbak ang ilang kumpanya ng langis.
Sa anunsyo ng Pilipinas Shell, katiting na P.30 sentimos kada litro ng diesel, P.10 sentimos sa gasolina at P.20 sa kerosene ang kanilang itatapyas.
Epektibo ito alas-6 ng umaga ngayong darating na Abril 2 o sa araw ng Martes.
Nag-anunsyo na rin ang mga independent players na Unioil Petroleum Philippines at Petro Gazz ng kanilang rolbak na P.30 rin sa diesel at P.10 sa gasolina.
Nahinto ng parating na rolbak ang pitong magkakasunod na linggo ng oil price hike sa bansa na epekto pa rin ng galaw ng presyo ng krudo sa internasyunal na merkado.
- Latest