Jinggoy, Napoles pinayagang kwestyunin ang plunder case

MANILA, Philippines — Pinayagan ng Sandiganbayan sina dating Sen. Jinggoy Estrada at negosyanteng si Janet Lim Napoles na makapaghain ng mosyon para ibasura ang kanilang kasong plunder kaugnay ng P183-milyong pork barrel scam.

Batay sa resolusyon ng 5th Division, nakasaad ang pag-apruba ng anti-graft court sa motion for leave to file demurrer to evidence nina Estrada at Napoles laban sa hinaharap nilang kaso.

Ibig sabihin may pagkakataon ang dalawang kampo na hamunin ang ebidensya ng prosekusyon para maabswelto sila sa reklamo.

Pero kung hindi ito kakatigan ng korte ay tuloy pa rin ang pagdinig sa kanilang pork barrel case.

Sa ngayon, mayroong 10 araw sina Estrada at Napoles para maghain ng kanilang demurrer sa korte.