DOH: Tigdas posibleng makaapekto sa turismo
MANILA, Philippines — Inamin ng Department of Health (DOH) na posibleng makaapekto sa tourism industry at deployment ng mga OFW ang lumalalang mga kaso ng tigdas o measles sa bansa.
Ayon kay Health Undersecretary Eric Domingo, hindi malayong magpalabas ng mga foreign advisories ang ilang mga bansa para pagbawalan ang kanilang mga mamamayan na magtungo sa Pilipinas kung hindi mako-kontrol ang outbreak.
Bunsod nito, bababa ang bilang ng dayuhan na nais na magbakasyon at mamuhunan sa bansa.
Gayundin ang mga OFW na kung hindi man pagbawalan na magbiyahe ay hahanapan naman sila ng vaccination records.
Aniya, una nang nagtanong ang Hong Kong health officials sa kalagayan ng tigdas sa bansa.
Taong 2016 nang ideklarang measles free ang Hong Kong at ito rin ang destinasyon ng higit 200,000 OFWs.
Related video:
- Latest