‘Anti-TRAIN Law bet piliin’ - Bam

MANILA, Philippines — Idiniin ni reelectionist Sen. Bam Aquino ang kahalagahan ng pagkakaroon ng Senado na maninindigan para sa interes at kapakanan ng taumbayan, at hindi sunud-sunuran sa mga nasa kapangyarihan.

Sa ginanap na ABS-CBN senatorial debate noong Linggo, hinikayat din ni Aquino ang mga botante na piliin ang mga kandidato na kikilos para amyendahan ang TRAIN Law upang maalis ang pasanin ng mataas na presyo ng bilihin sa taumbayan, lalo na sa mahihirap.

Noon pang Mayo 2018 naghain si Aquino ng Bawas Presyo sa Petrolyo Bill para mapatigil ang excise tax sa produktong petrolyo sa ilalim ng TRAIN Law.