Maria Ressa ng Rappler naglagak ng piyansa
MANILA, Philippines — Naglagak ng piyansa kahapon si Rappler Chief Executive Officer Maria Ressa ng P100,000 para sa kanyang pansamantalang kalayaan kaugnay ng kaso niyang paglabag sa cyber law.
Dahil wala si Judge Rainelda Estacio-Montesa ng Manila Regional Trial Court (RTC) Branch 46, kay Pairing Judge Maria Teresa Abadia ng Manila RTC Branch 45 naghain ng piyansa si Ressa. Si Ressa ay inaresto kamakalawa dahil sa reklamo ng negosyanteng si Wilfredo Keng sa isang artikulo sa Rappler noong 2012 na sangkot umano ang huli sa illegal drugs.
Samantala, nanindigan si Ressa sa artikulong inilabas sa news online patungkol sa umano ay pagkakasangkot ng complainant na si Keng sa bawal na droga. Sa panayam, sinabi ni Ressa na hindi nila aalisin ang katotohanan, na ayon sa kampo ni Ressa hindi Rappler ang nagsangkot dahil ang impormasyon ay galing sa intelligence report.
- Latest