Namatay sa tigdas umabot sa 70
MANILA, Philippines — Umakyat sa 4,300 ang bilang ng mga tao na nadapuan ng tigdas sa buong bansa at sa mga kasong ito ay 70 ang kumpirmadong namatay.
Ito ang isiniwalat ni Department of Health spokesperson Enrique Domingo na nagsabi sa isang panayam sa ANC na karaniwan sa nasawi ang mga bata na wala pang isang taong gulang.
“Vulnerable sila. Wala pa silang bakuna laban sa sakit,” sabi ni Domingo.
Noong nakaraang linggo, idineklara ng DOH ang measles outbreak sa Metro Manila, ibang lugar sa Luzon, at Central at Eastern Visayas.
Lumitaw sa datos ng DOH Epidemiology na tumataas hanggang noong Enero 2 ang bilang ng mga kaso ng tigdas sa Ilocos, Cagayan Valley, Central Luzon, CALABARZON, MIMAROPA at Bicol.
- Latest