Reclamation free zone sa Manila Bay

MANILA, Philippines — Hiniling ng Makabayan bloc sa Kamara na ideklara na reclamation free zone ang Manila Bay. Sa House Bill 9067 na inihain ng grupo, nais nila na ibasura na ang mga planong reclamation projects na nakabinbin sa Philippine Reclamation Authority o sa ano mang ahensya ng gobyerno at local government units.

Sa ilalim pa ng panukala, ang mga lalabag ay maparurusahan ng pagkakapiit ng hindi bababa sa anim na taon hanggang 12 taon at pagmumulta ng mula P5 milyon hanggang P15 milyon.