January inflation bumaba sa 4.4%
MANILA, Philippines — Bumaba ang inflation rate ngayong Enero kumpara sa datos noong Disyembre 2018 ayon sa panibagong ulat ng Philippine Statistics Authority.
Sa press briefing ng PSA kanina, lumalabas na nasa 4.4 porsyento ito mula sa 5.5 noong nakaraang buwan.
Nangyari daw ito dahil sa pagbagal ng "annual increments" sa pagkain at 'di nakalalasing na inumin, alak, tabako, at transport.
The slowdown of inflation in January 2019 was mainly driven by the deceleration in the annual increments of food and non-alcoholic beverages, alcoholic beverages and tobacco, and transport. #PHPCPI #Inflation
— @PSAgovph (@PSAgovph) February 5, 2019
Ito na ang pinakamababang naitala simula noong Abril 2018.
Sinusukat ng inflation rate ang bilis ng pagtaas ng presyo ng mga bilihin at serbisyo sa isang takdang panahon. Makikita rin dito ang tantos ng pagbaba ng halaga ng pera.
Para sa food and non-alcoholic beverages, nakaimpluwensya raw ang mga food items tulad ng bigas, karne, gatas, keso at itlog, at gulay sa pagbagal ng inflation ngayong Enero.
Mula 6 porsyento noong Enero, bumaba sa 4.7 ang bigas; mula 5.5 ay naging 5 ang karne; mula 9.9 naging 7.8 ang isda, mula 2.9 naging 2.6 ang gatas, keso, at itlog; mula 8.1 ay bumaba ang gulay sa 5.6.
Nakapag-ambag din ang presyo ng mga produktong petroyo sa naturang pagbagal.
"For transport, petroleum and fuels for personal transport equipment, domestic air fare, and ferry/ship fare contributed to the deceleration of inflation in January 2019," banggit ng PSA.
Bahagya ring naibsan ang inflation sa National Capital Region sa 4.6 porsyento.
Ang Autonomous Region in Muslim Mindanao para rin ang may pinakamataas sa lahat sa 6.1 porsyento habang nakakuha ng pinakamababa ang Cordillera Administrative Region sa 3.1.
ARMM continue to have highest inflation, while CAR still had lowest pic.twitter.com/c6aS3uMXAv
— Bim Santos (@josebimbosantos) February 5, 2019
Samantala, tumaas naman ng 0.1 porsyento ang month-on-month prices ng lahat ng items sa Pilipinas.
"Main contributors to the upward trend of the month-on-month growth in the Philippines were non-food commodities, specifically: Housing, Water, Electricity, Gas and Other Fuels; Furnishing, Household Equipment and Routine Maintenance of the House; and Restaurant and Misc. Services," ayon sa PSA.
- Latest