Sen. Bam no. 11 na sa SWS survey
MANILA, Philippines — Humataw ang ranking ni Sen. Bam Aquino sa pinakahuling survey ng Social Weather Station mula January 23-26 ngayong taon.
Nasa No. 11 na si Bam mula sa No. 14 ranking niya sa December 2018 SWS survey. Ito na ang pangalawang pagkakataong pumasok si Bam sa winning circle of 12 batay sa SWS survey.
Sa Pulse Asia survey noong December 14 to 21, 2018; nasa 10th-16 ranking si Bam na may 32.6% rating.Sa katatapos din na survey ng Radio Mindanao Network, si Sen. Bam ay na nasa 10th ranking.
Nagpahayag naman ng kasiyahan ang senador sa patuloy niyang pagtaas sa mga survey kasabay ng pasasalamat sa mga mamamayang patuloy na nagtitiwala sa kanyang kakayahan.
Sinabi niya na importanteng mabusisi ng taumbayan ang track record ng mga kumakandidato, lalo na ang mga katulad niyang incumbent, dahil naniniwala siyang ang sukatan ng paglilingkod ay ang mga nagawa para sa kabutihan ng nakararami.Sa pagiging senador sa loob ng halos anim na taon, maraming batas na ang nagawa ni Bam na nagpabago sa buhay ng maraming Pilipino tulad ng Go Negosyo Act at libreng kolehiyo sa mga kabataan.
- Latest