Mas maayos na sistema sa 4Ps isinulong ni Enrile
MANILA, Philippines — Iginiit ni dating Senator Juan Ponce Enrile na dapat maging mas maayos ang sistema sa pagbibigay ng Pantawid Pamilyang Pilipino Program (4Ps) para sa mga mahihirap upang matiyak na napupunta sa tamang benepisyaryo ang tulong ng pamahalaan..
Base sa report ng Commission on Audit (COA), mahigit sa P1.3 bilyong cash grants sa ilalim ng 4Ps ang hindi nakuha noong 2017 ng 1.9 milyong benepisyaro.
Sa ngayon ay nasa 4.1 milyong Filipino ang tumatanggap ng mga benepisyo mula sa 4Ps na pinangangasiwaan ng DSWD.
Kabilang sa ipinagkakaloob na tulong ng gobyerno ang P500 kada buwan para sa mga pangangailangang pangkalusugan ng pamilya bukod pa sa P300 kada buwan para sa bawat batang pumapasok sa paaralan.
Naniniwala naman si Enrile na hindi sapat ang halaga na binibigay sa mga benepisyaryo.
Ayon pa kay Enrile, dapat ding matiyak kung natatanggap ng buo ng mga benepisyaryo ang buong P2,400 unconditional cash transfer (UCT).
Naniniwala si Enrile na kung maayos ang proseso, walang dahilan para hindi makuha ng mga benepisyaro ang halagang nakalaan sa kanila.
- Latest