Senado, Kamara nagkasundo sa Road Board abolition

MANILA, Philippines — Nagkasundo na ang Senado at Kamara na buwagin ang kontrobersiyal na Road Board.

Resulta ito ng pagpupulong kamakalawa ng gabi ng mga lider ng dalawang kapulungan.

Napagkasunduan na lahat ng makokolektang pera mula sa Road User’s Tax ay mapupunta na sa National Treasury dahil mawawala na ang Road Board.

Gagamitin naman ang nasabing buwis sa kons­truksiyon, repair at rehabilitasyon ng mga kalsada, tulay, at road drainage na isasama na sa taunang General Appropriations Act.

Matatandaan na mismong si Pangulong Duterte ay nagsulong na buwagin na ang kontrobersiyal na Road Board na nagagamit lamang umano sa korapsiyon.