19 election hotspots tinukoy
MANILA, Philippines — Labingsiyam na bayan at lungsod sa Luzon at Mindanao ang tinukoy kahapon ng Philippine National Police na election watchlist areas o hotspost kaugnay sa napipintong halalan sa Mayo ng taong ito.
Sa press briefing sa Camp Crame, sinabi ni Philippine National Police Chief Director General Oscar Albayalde na ang nasabing mga lugar ay may mga kasaysayan ng karahasan sa mga nagdaang halalan at kasalukuyang may mga presensya ng mga armadong grupo at mga banta sa pambansang seguridad.
Kabilang dito ang mga rebeldeng New People’s Army, Abu Sayyaf Group, Bangsamoro Islamic Freedom Fighters, Dawlah Islamiyah terrorists at iba pa.
Tinukoy na ni Albayalde na kabilang dito ang mga bayan ng Sudipen, Balaon at Jones sa lalawigan ng Isabela; Lemery sa Batangas; Roxas sa Oriental Mindoro; Balud at Dimasalang sa bayan ng Masbate; Daraga sa Albay; Pagadian City sa Zamboanga del Sur; Cagayan de Oro City sa Misamis Oriental; Hadjih Mohammad Ajul, Lantawan, Tipo-Tipo sa Basilan; Marawi City; Sultan Dumalondong, Mamasapano, Shariff Aguak, Shariff Saydona Mustapha at Datu Unsay sa Maguindanao.
Inihayag ni Albayalde na pinaigting na rin nila ang seguridad sa Cotabato City at mga karatig lugar matapos ang pambobomba noong Disyembre 31, 2018 na ikinasawi ng dalawa katao habang 34 pa ang nasugatan.
- Latest
