Inflation bumagal sa 5.1%
MANILA, Philippines — Bumaba ang inflation rate sa pagtatapos ng 2018 na naitala lamang sa 5.1 percent base na rin sa report ng Philippine Statistics Authority.
Ito na ang pinakamabagal na naitalang inflation rate mula June 2018 na nakapagtala nuon ng 5.2%.
Ayon kay Presidential spokesman Salvador Panelo, malaki ang kinalaman sa pagbaba ng inflation rate sa inilabas na Administrative Order No. 13 ni Pangulong Duterte na nagpapaikli ng proseso sa pag-aangkat ng mga produktong pang-agrikultura gaya ng bigas.
Bukod pa aniya rito ang pag-iisyu ng Memorandum Order Nos. 26, 27 at 28 na nakatulong upang maging matatag ang presyo ng agriculture at fishery products at matiyak na may sapat na suplay ng pagkain sa merkado.
Sa harap nito, sinabi ni Panelo na hindi nagpapaka-kampante ang pamahalaan gayung mananatili aniyang nakabantay ang gobyerno sa pagmomonitor ng mga pangunahing bilihin at magpatupad ng mga hakbangin para mapagaan ang kabuhayan ng mamamayan.
- Latest
