Libu-libo namasko kay Digong
Pila halos 1 kilometro
MANILA, Philippines — Umabot sa 90,000 katao ang pumila at namasko kay Pangulong Duterte sa ancestral house nito sa Central Park subdivision, Davao City.
Ayon sa Davao City Police Office (DCPO), umabot na raw sa halos isang kilometro ang pila ng mga gustong makatanggap ng aginaldo mula kay Pangulong Duterte.
Tiniyak naman ng DCPO ang kaayusan sa pamimigay ng pamasko kahit may ilang nahilo habang nakapila.
Ito’y kahit na may naiulat na matandang babae na naipit nang matumba ang pangharang dahil sa pagtutulakan ng mga tao.
Katunayan ay naglagay sila ng registration area sa Mount Matutum St. sa loob ng nasabing subidivision.
Nagpatupad na rin daw sila ng sistema at nilalagyan nila ng indelible ink ang hintuturo ng mga nakatanggap na ng pamasko upang maiwasang bumalik pa sa pila.
Ang pamimigay ng regalo ay nakagawian na ng pamilya Duterte para sa Kapaskuhan.
Nagdiwang ng Pasko ang Pangulo kasama ang pamilya nito sa Davao City. (Rhoderick Beñez)
- Latest