Pinas out na sa top 5 deadliest countries for media
MANILA, Philippines — Hindi na kabilang ang Pilipinas sa top 5 deadliest countries para sa mga media ngayong 2018.
Sa inilabas na annual report ng media freedom organization na Reporters Without Boarders, kabilang sa top 5 ang Afghanistan, Syria, Mexico, India at ang America.
Base sa report ng RSF, natanggal na ang Pilipinas sa listahan ng deadliest countries dahil 3 lamang ang naitalang mamamahayag na napaslang ngayong taon kabilang dito sina Joey Llana ng DWZR Radio sa Albay noong ?July 20; Dennis Denora ng Trends and Times mula sa Panabo City noong ?June 7 at Edmund Sestoso ng DYGB sa Dumaguete noong ?May 1.
Kaugnay nito, sinabi ni Presidential Communications Sec. Martin Andanar na malaking tulong dito ang binuong Presidential Task Force on Media Security ni Pangulong Rodrigo Duterte sa pamamagitan ng Administrative Order 1.
Binigyang-diin ni Andanar na magpapatuloy ang PCOO at ang pamahalaan sa pangangalaga sa kaligtasan ng mga mamamahayag sa bansa sa ngalan ng press freedom at ang karapatan ng bawat mediaman na vulnerable sa mga banta sa kanilang buhay dahil sa kanilang trabaho.
Samantala, ayon naman kay USEC. Joel Egco ng PTFoMS, ang pagkakaalis sa Pilipinas sa top 5 deadliest countries ay patunay ng patuloy na pagsisikap ng task force na matupad ang mandato nitong protektahan ang buhay, kalayaan at seguridad ng media workers.
Matatandaan na kauupo pa lamang ni Pangulong Duterte sa puwesto noong 2016 nang lagdaan nito ang AO#1 para mabigyan ng proteksyon ang mga mamamahayag sa bansa.
- Latest
