Salary hike ng gov’t workers apektado sa reenacted budget
MANILA, Philippines — Maaapektuhan ng re-enacted budget ang salary increase ng mga government workers kabilang ang mga sundalo.
Sinabi ni Budget Sec. Benjamin Diokno, maaantala ang release ng pondo para sa dagdag sa sahod ng mga government workers hangga’t hindi naipapasa ng Kongreso ang 2019 national budget.
“Salary adjustments for civilian and military personnel would have to wait until the passage of the 2019 budget. The 4th tranche of the salary adjustment for civilian and military will be deferred until budget is passed,” sabi ni Diokno kahapon.
Siniguro naman ni Diokno na kahit magkaroon ng re-enacted budget sa 1st quarter ng 2019 ay tuloy pa rin ang mga malalaking proyekto ng pamahalaan tulad ng Metro Manila Subway project at PNR projects subalit walang magiging bagong infra projects hanggang hindi naipapasa ng Kongreso ang 2019 proposed budget.
“New projects would have to wait until the 2019 budget is passed into law, but large projects like the Metro Manila Subway, would not be affected. Under a reenacted budget for 2019, no new infrastructure projects can start,” paliwanag pa ng DBM chief.
Ipinaliwanag din ni Diokno na kaya niya dinagdagan ng P75 bilyon ang DPWH ay dahil nais nilang makagawa ng 1,000 kilometro ng daan na hindi nagawa ng nakaraang administrasyon.
“As long as it happens in the executive department, it is not an insertion but an adjustment. House and Senate can approve budget in toto, amend it, mangle it... We don’t mind,” paliwanag pa ni Diokno.
- Latest
