Tulong, ‘di Martial Law sa Mindanao
MANILA, Philippines — Hindi Martial Law kundi tulong na maka-recover ang mga mamamayang naapektuhan ng gulo ang dapat na ibigay.
Ito ang winika ni Sen. Bam Aquino makaraang muling palawigin ang Batas Militar ng isa pang taon sa nasabing rehiyon.
“Hindi kailangan ng Martial Law. Ang kailangan lang ay leadership at political will. Naging diskusyon na ‘yan sa AFP - na itong pagkakaroon ng good governance, peace and order, at rehabilitation, hindi na kailangan ng Martial Law. Ang kailangan ay gawin ng mga ahensya ang mga trabaho nila. Iyon ang kailangan ngayon,” sabi ni Aquino.
“Ngayon, ang tanong ay ‘yung paggamit ng kapangyarihan na ito. Ito ba ay kinakailangan pa o hindi na? Kasi ang tingin namin, kaya naman nila gawin ang trabaho nila kahit walang Martial Law,” paliwanag pa ni Aquino.
Noong binuo umano ang Konstitusyon, ang Martial Law ay tinatawag lang kapag talagang grabe umano ang sitwasyon, ayon pa sa senador.
Kaya ngayon umanong humupa na ang mga isyu at masasabing successful ang operasyon ay dapat na umano itong tanggalin.
- Latest
