300 inmates napalaya ng SC justice on wheels
MANILA, Philippines — Napalaya na ang nasa 300 bilanggo ng Northern Cotabato District Jail sa Kidapawan City sa pamamagitan ng “Enhanced Justice on Wheels Program” (EJOW) ng Korte Suprema na isinagawa noong Biyernes (Disyembre 7).
Ayon kay Court Administrator at Supreme Court spokesman Midas Marquez, sa loob lamang ng isang araw ay naiproseso ng EJOW ang mga kaso ng nasa 300 preso sa magkakasabay na pagdinig.
Ani pa ni Marquez, ang EJOW na may programa para sa buong bansa ay tutungo sa ibat-ibang lalawigan bilang pagtugon sa direktiba ni Chief Justice Lucas Bersamin na madaliin ang pagresolba sa mga mababang korte para mabawasan ang siksikang mga piitan sa bansa.
Ipinagmalaki ng EJOW na umabot na sa 12,000 bilanggo ang napalaya matapos maaksyunan ang mga nakabinbing kaso at nakapagresolba na rin ng nasa 10,000 civil cases na sinimulan noong taong 2004.
- Latest
