2 araw para sa plebesito sa Bangsamoro Organic Law
MANILA, Philippines — Dalawang magkahiwalay na araw ang nakatakda para sa isasagawang plebesito para sa Bangsamoro Organic Law.
Gagawin ito sa Enero 21 at Pebrero 6, 2019 batay sa inisyung iskedyul ng Commission on Elections (Comelec).
Sa Enero 21, ang plebisito sa geographical areas na bumubuo sa Autonomous Region of Muslim Mindanao (ARMM), gayundin ang Isabela City sa Basilan, at Cotabato City.
Sa Pebrero 6 naman ay para sa mga lugar kung saan ang mga local government ay humiling na mapasama sila sa plebesito o di kaya naman ay ang 10 porsiyento ng rehistradong botante ang humiling.
Kinabibilangan ito ng Lanao Del Norte, maliban lang sa Iligan City, at mga munisipalidad ng Aleosan, Carmen, Kabacan, Midsayap, Pikit, at Pigkawayan sa North Cotabato.
Nasa 99 na petitions for inclusion in the Bangsamoro Autonomous Region in Muslim Mindanao (ARMM) ang nakabinbin at nakatakda nilang desisyunan, ayon sa Comelec.
- Latest
