PCA execs pinagre-resign ni Digong
MANILA, Philippines — Pinagbibitiw ni Pangulong Duterte ang buong miyembro ng board ng Philippine Coconut Authority (PCA).
Kinumpirma ni Agriculture Sec. Manuel Piñol na pinagsusumite ni Pangulong Duterte ng courtesy resignation ang buong miyembro ng board ng PCA.
Pero maaari pa silang magtrabaho sa PCA hanggang sa panahon na makapagtalaga si Pangulo ng kanilang kapalit.
Sinabi ni Piñol na siya mismo ang nagpanukala kay Pangulong Duterte na pagbitiwin ang buong miyembro ng PCA board.
Aniya, ito ay upang mabigyan ng pagkakataon na makapili ang Pangulo ng magiging bagong komposisyon ng PCA.
Idinagdag pa ng Agriculture chief, ang inaasahang balasahan sa PCA ay alinsunod naman sa Cocoy Levy Act.
- Latest