P100 milyong, alok kay Mangudadatu para umatras sa kaso
CEBU, Philippines — Inalok umano si Maguindanao Gov. Esmael Mangudadatu ng halagang P100 milyon para iatras ang kaso kaugnay sa Maguindanao Massacre.
Ito ang ibinunyag ng opisyal kay Presidential Communications Operations Office (PCOO) Sec. Martin Andanar kung saan sa kaniya ito sinabi ng gobernador kasabay ng ika-siyam na taong anibersaryo ng malagim na krimen.
Sinabi ni Mangudadatu kay Andanar na inialok sa kaniya ang pera pagkatapos lamang maisampa ang mga kasong kriminal laban sa pinaniniwalaang mastermind ng masaker na sina dating Maguindanao Gov. Andal Ampatuan Sr. at anak na si Andal Jr.
Kasamang nagtungo ni Andanar sa bayan ng Ampatuan si Usec. Joel Egco ng Presidential Task Force on Media Security.
Sa pamamagitan aniya ng isang tauhang lalaki na kinilala nitong si Ariel Galindez, ipinadala rito ang pera upang ibigay sa kaniya.
Ngunit matapos niya itong makausap at tanggihan ang alok na pera, ay naaksidente si Galindez na ikinasawi nito.
- Latest