Tax amnesty bill lusot

MANILA, Philippines — Lusot na sa House Committee on Ways and Means ang panukala na naggagawad ng tax amnesty na bahagi ng TRAIN law.

Sa ilalim ng substitute bill, bibigyan ng amnestiya iyong hindi nabayarang buwis na ipinataw ng gobyerno mula 2017 at nauna pang mga taon dito.

Ang taxpayer na gustong makakuha ng amnesty ay dapat magbayad ng 8% ng kanilang net worth sa taong 2017.

Bukod dito, ginawa rin simple ang pagpapataw ng buwis dito sa layuning iwasan ang katiwalian at mapa­lakas ang koleksyon sa pamamagitan ng pagpapalawak ng taxpayer base.

“This priority bill of mine, is a landmark bill that will help both the government in revenue collections and as well as fix the nightmare of individuals and corporate taxpayers. Once individuals avail the tax amnesty, they will all have a clean slate in terms of tax payments,” pahayag naman ng author ng panukala na si 1 Pacman partylist Rep. Mikee Romero.

Naniniwala rin si Romero na magdudulot ng malaking pakinabang sa ekonomiya ng bansa ang nasabing panukala dahil tataas ang makokolektang buwis ng gobyerno.

Inaasahang isusumite na ito sa rules committee para maisalang agad sa plenaryo.