Bigtime rollback kasado!
P2.50 sa gasoline P2.10 sa diesel
MANILA, Philippines — Isang malakihang rolbak sa mga produkto ng petrolyo ang lalarga ngayong linggo dahil sa pagmura ng mga inaangkat na langis ng bansa.
Sinabi ng mga eksperto sa oil industry na posibleng matapyasan ng P2.40- P2.50 ang kada litro ng gasolina, P2-P2.10 sa diesel at P1.70-P1.80 naman sa kerosene.
Ito na ang ikalimang sunod na linggo na magpapatupad ng rolbak ang mga kumpanya ng langis makaraan ang halos linggu-linggong pagsirit ng presyo ng petrolyo na nagresulta ng mataas na infl ation sa bansa.
Una nang naghayag ng kahandaan na mag-rolbak ang kumpanyang Unioil ngayong papasok na linggo. Sa kanilang datos, mula Oktubre 15, nasa P3.10 kada litro na ang ibinaba ng kanilang diesel at P5.55 kada litro sa gasolina.
Sa datos naman ng Department of Energy (DOE), naglalaro ngayon ang diesel mula P43.55-P48.79 kada litro at gasoline mula P48.75 hanggang P59.07 sa iba’t ibang panig ng bansa.
- Latest
