Kauna-unahang ‘landport’ sa bansa, natapos na
MANILA, Philippines — Natapos na ang construction at bubuksan na ng Department of Transportation (DOTr) sa Lunes, Nobyembre 5, ang Parañaque Integrated Terminal Exchange (PITX), na itinuturing na siyang kauna-unahang ‘landport’ sa bansa.
Sinabi ng DOTr, ang PITX ay nag-iisang integrated at multi-modal terminal sa Metro Manila, na magsisilbi bilang transfer point ng mga provincial buses mula Cavite, at Batangas, at iba pang uri ng transportasyon sa lungsod.
“Handa nang buksan ang kauna-unahan nating landport. Isa itong terminal kung saan parang airport ang facilities at serbisyo,” ayon pa kay DOTr Secretary Arthur Tugade.
Nabatid na ang naturang landport ay matatagpuan sa Coastal Road.
Inaasahang makakatulong ito upang mabawasan ang bilang ng mga provincial buses na pumapasok sa Metro Manila, partikular na sa Taft Avenue-Pasay sa EDSA, simula sa Lunes.
Ang Pangulong Rodrigo Duterte ang siyang mangunguna sa gagawing inagurasyon ng nasabing terminal.
- Latest
