Andanar mananatili sa team ko - Duterte
MANILA, Philippines — Tiniyak ni Pangulong Duterte na mananatili sa kanyang team si Presidential Communications Sec. Martin Andanar sa gitna ng pagbuwag sa Presidential Communications Operations Office (PCOO) at pagtatayo sa Office of the Press Secretary.
“Martin Andanar should be around,” ito ang paniniyak ni Pangulong Duterte.
Ayon sa Pangulo, kailangan niya si Sec. Andanar kahit magkaroon ng rigodon sa kanyang gabinete dahil may ilang Cabinet members ang tatakbo sa 2019 mid-term elections.
“Martin Andanar should be around. Siya --- palit-palit sila, pero there must only be one Press Secretary. And historically, na ano lang. Ano talaga ‘yan. It was addressed as a Press office, Press Secretary. Iyon ang connotations ng --- the word,” pahayag ng Pangulo.
Magugunita na itinalaga na rin ni Pangulong Duterte si Chief Presidential Legal Counsel Salvador Panelo bilang bagong presidential spokesman kapalit ni Sec. Harry Roque.
Inamin ng Pangulo na ‘naguluhan’ na siya kay Roque dahil sa pabagu-bagong desisyon nitong tumakbo o hindi sa pagka-senador kaya pinili na niya si Panelo bilang bagong spokesman.
- Latest
