Pagkain ng shellfish sa 4 na lugar, bawal

MANILA, Philippines — Patuloy na ipinagbabawal ng  Bureau of Fisheries and Aquatic Resources (BFAR) ang paghango, pagbebenta at pagkain ng mga shellfish products tulad ng tahong, talaba at halaan  sa apat na lugar sa bansa.

Ito ayon sa BFAR ay dahil mataas ang toxicity level ng lason ng red tide sa Matarinao Bay sa  Eastern Samar, Lianga Bay sa Surigao del Sur, baybayin ng Dauis at Tagbilaran City sa  Bohol at baybayin ng  Milagros,  Masbate.

Patuloy ang ugnayan ng BFAR sa mga lokal na pamahalaan na sakop ng shellfish ban upang hindi makarating sa mga pamilihan at palengke ang shellfish meat.

Ang mga taong nakakain ng shellfish na may lason ng red tide ay nagsusuka, sumasakit ang kalamnan,  nahihilo, nagda-diarrhea na maaari nitong ikamatay.