AFP makikipagdayalogo rin sa 18 colleges, universities
MANILA, Philippines — Nakatakdang makipagdiyalogo si Defense Secretary Delfin Lorenzana sa 18 kolehiyo at unibersidad sa Metro Manila na natukoy ng Armed Forces of the Philippines (AFP) na aktibo ang recruitment ng CPP-NPA sa mga estudyante kaugnay ng “Red October” plot para patalsikin si Pangulong Duterte.
Inatasan ni Lorenzana ang AFP na sumama sa pakikipag-dialogue ng Philippine National Police (PNP) upang masagip ang mga estudyante sa pagkapariwara.
“We will have a dialogue. My suggestion to the PNP is that it should be a joint AFP-PNP people that will dialogue with the heads of the universities so that they will understand why we are saying that. And of course we will understand why they are saying/denying that they are not the recruitment grounds of the CPP-NPA,” pahayag ni Lorenzana .
Nang matanong naman si Lorenzana kung may iba pang mga unibersidad na madadagdag sa talaan, sinabi ni Lorenzana na depende ito sa intelligence monitoring na kanilang matatanggap.
Kabilang sa mga tinukoy ng AFP ang University of the Philippines (UP), Polytechnic University of the Philippines (PUP), Ateneo de Manila University, De La Salle University, University of Sto. Tomas, University of Caloocan, San Beda University, Lyceum of the Philippines, University of Makati, Philippine Normal University at iba pa.
Iginigiit naman ni AFP spokesman Brig. Gen. Edgard Arevalo na makikipag-ugnayan din sila sa Department of Education (DepEd), Commission on Higher Education (CHEd) kung saan aktibo ang recruitment ng CPP-NPA.
“Towards this end, the AFP is reaching out to the Department of Education (DepEd), the Commission on Higher Education (CHEd), and the Administrators of some of the schools to prevent the said arouse-organize-mobilize scheme of the CPP-NPA,” pahayag ni Arevalo.
- Latest
