Kamara mananagot sa power disruption
MANILA, Philippines — Mananagot ang Kamara partikular na ang House Committee on Legislative Franchises sakaling magkaroon ng power disruption sa Iloilo City na resulta ng hindi pagre-renew sa franchise application ng Panay Electric Company (PECO).
Kasabay ng babala ay kinuwestyon naman ni Anak Mindanao party-list Rep. Makmod Mending, na isang abogado, si Palawan Rep. Franz Alvarez kung bakit hindi umaksyon sa aplikasyon ng PECO na ang prangkisa ay magtatapos na ngayong taon at sa kabila ng pagpayag ng Energy Regulator Board (ERB) na ituloy ang operasyon nito noon pang Nobyembre 22, 2017.
“Congress will face people’s wrath if the non-renewal of PECO’s franchise will result to power crisis in Iloilo City,” ayon pa ay Mending na iginiit na dapat payagan ng panel ni Alvarez ang provisional extension ng PECO’s franchise sa loob ng isa o dalawang taon para magkaroon ng smooth transition sakaling ibang kumpanya ang mag-takeover ng operasyon.
Pinuna naman ni PECO executive Randy Pastolero ang mabilis na aksyon ng Kamara sa pag-apruba ng aplikasyon ng MORE habang ang kanilang franchise renewal ay inuupuan na isa umanong malinaw na banta sa franchise-holding power firms.
- Latest