Malacañang tutok na sa ‘inflation’
MANILA, Philippines — Isinantabi muna ng Malacañang ang pagharap sa isyu ng Charter change at iba pang political issues bagkus ay nakatuon ang gobyerno upang labanan ang ‘inflation’.
“Everything is sidelined now. Even the administration acknowledges na mas importanteng solusyunan ang malapit sa sikmura ng masa,” ayon kay Presidential Spokesman Harry Roque kahapon.
“Pinaka-importanteng trabaho ng Kongreso ay budget law... Matapos ang budget ay pwedeng mapag-usapang muli ang pederalismo,” sabi ni Roque.
Siniguro rin nito na hindi natutulog sa pansitan si Pangulong Duterte sa gitna ng tumataas na presyo ng pangunahing bilihin.
Aniya, kamakailan lamang ay nagpalabas ng kautusan ang Pangulo upang mapabilis ang importasyon ng bigas, iba pang agri products upang bahain nito ng supply ang pamilihan.
Idinagdag pa ni Roque, puwede namang maging isyu ang pederalismo at charter change sa nalalapit na 2019 mid-term elections.
- Latest