30 HIV/AIDS patients namatay nitong Hulyo
MANILA, Philippines — Makaraang umabot sa full blown AIDS, 30 pasyente ng HIV/AIDS infection ang iniulat na namatay noong Hulyo 2018.
Sa datos ng HIV/AIDS & ART Registry of the Philippines (HARP) noong Hulyo, lumilitaw na sa bilang ng mga nasawi ay 28 ang lalaki at dalawa ang babae.
Isa sa nasawi ay wala pang 15-anyos ang edad, tatlo naman ang 15-24 taong gulang, 15 ang nasa 25-34 years old, siyam ang nasa 35-49 at dalawa ang nasa 50-taon pataas.
Dahil dito, umaabot na sa 2,735 pasyenteng may HIV/AIDS ang nasawi simula Enero 1984 hanggang Hulyo 2018.
Pinakamaraming naitalang bagong kaso ng sakit sa NCR, sumunod ang Region 4A, Region 3, Region 6, Region 7 at Region 11.
Ang pakikipagtalik pa rin ang pinakamalaking dahilan ng pagkakaroon ng AIDS ng mga biktima, kabilang dito ang mga lalaking nakikipagtalik sa kanilang kapwa lalaki, needle sharing, mother-to-child transmission habang walang data kung paano nahawa ang pito pang natitirang kaso.
May mga OFW pa rin na nagkasakit ng HIV/AIDS infection na umabot sa 72 na bago pa lamang na-diagnose noong Hulyo.
- Latest