Ekonomiya bumagal

MANILA, Philippines — Bumagal ang takbo ng ekonomiya ng bansa sa ikalawang quarter ng taon.

Inanunsyo ng Philippine Statistics Authority na bumaba sa 6.0-percent ang gross domestic product (GDP) ng Pilipinas mula sa 6.6-percent noong first quarter (January-March). Mababa rin ito mula sa 6.7-percent noong second quarter ng 2017.

Ipinaliwanag ni National Economic Development Authority (NEDA) Sec. Ernesto Pernia kung paanong nakaapekto sa GDP ang Boracay closure, mahigpit na regulasyon sa mga minahan at palaisdaan, at pagpapasara sa mga mining pit.

Ikinabahala ng kalihim ang paglagapak sa 0.1-percent na increase sa sektor ng agrikultura, at hinimok ang mga magsasaka na magtanim ng high value crops para sa tsansa ng mas mataas na kita at produksyon.

Nasa 2.2-percent naman ang inangat ng industriya, habang sa sektor ng serbisyo ang may pinaka mataas na kita sa 3.8-percent.

“He makes no apologies for it. If GDP falls because of his intention to protect the environment, so be it,” pahayag naman ni Presidential Spokesman Harry Roque.

“The closure of Boracay was justified. I don’t think we should approach Boracay purely from an economic, financial point of view,” giit pa ni Roque.