Pag-utang ng P1.2-T kinontra

MANILA, Philippines — Kontra ng ilang senador sa gagawing pag-utang ng gobyerno ng P1.2 trillion sa susunod na taon.

Ayon kay Sen. Ping Lacson, dapat matuto ang gobyerno na magkaroon ng balanseng national budget.

Nangangamba si Lacson na hindi rin magagamit sa investment ang uutangin ng gobyerno.

Ipinunto niya na pala­ging malaki ang “unused appropriations” taun-taon at posible ring manakaw lamang ng mga masisiba umano sa gobyerno ang uutanging pera na babayaran ng mga mamamayan sa pamamagitan ng buwis.

Nagbabala naman si Sen. Ralph Recto na tumataas ang interest rates at napakalaki ng P1.2 trillion.

Hindi rin aniya dapat mangutang para ilagay sa mga hindi naman kumikitang investments.