Pinas hindi susunod sa pag-alis ng US sa human rights council

MANILA, Philippines – Maaring may mga nasabing hindi magaganda si Pangulong Rodrigo Duterte laban sa United Nations pero hindi daw susundan ng Pilipinas ang hakbang ng United States na pagalis sa UN Human Rights Council, ayon sa Palasyo.

Sinabi ni Presidential Spokesperson Harry Roque Jr. na nirerespeto ng nila ang desisyon ng Amerika.

“We’re not following suit if that’s the question. The president has no reaction on what the Americans have decided to do,” ani Roque.

Ang Pilipinas ay kabilang sa 47-member group.

Noong Martes, inanunsyo ng US ang pag alis nila sa rights body sa pagsasabi ni Ambassador Nikki Haley na “an organization that is not worthy of its name.”

Ang mga delegado ni Trump sa UN ay pinuna din ang konseho dahil sa pagiging biased laban sa Israel.

Ngunit sinabi ni Roque na ang desisyon ng administrasyon ni President Donald Trump ay sumasalamin sa sariling opinyon ni Duterte.

 “I guess the latest decision of the United States reflects a sentiment that the president himself has articulated and apparently we’re not alone in this perception that there is bias among human rights group,” ani ng tagapagsalita ng pangulo.

Ang UN at ang mga opisyal nito ay madalas sabihan ng mga masasakit na salita mula kay Duterte dahil sa kritisismo nito sa mga nangyayaring paglabag ng karapatang pantao sa bansa lalo na ang madugong giyera ng administrasyon laban sa droga.