100 OFWs mula UAE nakauwi na
MANILA, Philippines — Dumating na kahapon sa bansa ang 100 OFWs na inabuso ng kanilang employers sa United Arab Emirates (UAE).
Alas-9:30 ng umaga nang salubungin ni Department of Foreign Affairs Secretary Alan Peter Cayetano ang mga OFW.
Pinasalamatan ni Cayetano ang mga opisyales ng UAE na nagbigay ng tulong para sa ‘repatriation’ ng mga OFW na nasa kanilang bansa.
Sinalubong din ang mga OFW ng mga opisyal ng Overseas Workers Welfare Administration (OWWA) na nagbigay ng P5,000 inisyal na financial assistance sa bawat OFW.
Tutulong din ang OWWA na magbigay ng ‘livelihood assistance’ sa kanila upang makapag-umpisa ng bagong buhay.
Pansamantala namang mananatili sa OWWA shelter sa Maynila ang mga OFW na nakatira sa malayong probinsya habang ang mga nakatira naman sa Luzon ay bibigyan ng pamasahe para makabalik na sa kanilang mga mahal sa buhay.
- Latest