NAIA, giit ibalik sa MIA
MANILA, Philippines — Dapat nang maibalik sa dating pangalan na Manila International Airport (MIA) ang kasalukuyang Ninoy Aquino International Airport (NAIA)
Ito ang sinabi kahapon sa isang ginanap na press conference sa lungsod ng Quezon ni Atty. Larry Gadon, ang kontrobersiyal na abogado na nagsampa ng impeachement case laban kay dating Chief Justice Ma Lourdes Sereno.
Aniya, magsasampa siya ng petisyon sa Kogreso upang hikayatin ang mga mambabatas na maibalik sa dating pangalan na MIA ang ngayo’y NAIA na naipangalan sa dating yumaong Senador Benigno Aquino Jr.
Binigyang diin ni Gadon na hindi dapat ipangalan kay dating Senador Aquino ang NAIA dahil ito umano ang nagpasimuno sa pagtatag sa NPA at wala itong karapatan na ipangalan ang Pambansang Paliparan ng bansa.
Giit ni Atty. Gadon napapanahon na para ibalik sa Manila International Airport ang pangalan ng paliparan dahil ito umano ang orihinal na pangalan nito.
- Latest
