“Pagtigil sa ‘Impeach Sereno’ karuwagan” - Solon

MANILA, Philippines — Tinawag na karuwagan ni Akbayan partylist Rep. Tom Villarin ang balak ni House of Representatives Justice Committee Chaiman Reynaldo Umali na ihinto ang impeachment proceedings laban kay dating Supreme Court Chief Justice Maria Lourdes Sereno.

Ayon kay Villarin, may pagkaduwag ang ugali ni Umali dahil sa nauna nitong pahayag na hindi na i-transmit sa Senado ang articles of impeachment laban kay Sereno dahil sa posibleng magdulot ito ng constitutional crisis.

Subalit para sa kongresista, dahil napagbotohan naman sa Justice committee na may probable cause para ma-impeach si Sererno ay nangangahulugan ito na mayroon silang mga ebidensiya.

Dahil dito kaya hindi sila dapat matakot at dapat itong panindigan ng Kamara.

Iginiit pa ng kongresista na tanging ang impeachment lang ang paraan para maalis ang isang impeachable official tulad ni Sereno sa kanyang puwesto at dapat itong ma-realize ng liderato ng Kamara.