Pagbasura sa Road Board iraratsada
MANILA, Philippines — Iraratsada na ng liderato ng Kamara sa pagbubukas ng sesyon nito bukas ang panukalang batas na nagbabasura sa Road Board para maiwasan ang umano’y illegal na paggamit sa bilyong pisong Road User’s tax na nakokolekta ng gobyerno.
Ayon kay Surigao del Sur Rep. Johnny Pimentel, chairman ng House Committee on good government and public accountability, tatrabahuhin nila kaagad ang pagpasa sa House Bill no. 6236 na inihain ni Speaker Pantaleon Alvarez na nagbubuwag sa Road Board at naglilipat sa functions nito sa Department of Public Works and Highways (DPWH).
Ang Road Board ang siyang umano’y ugat ng katiwalian at umanoy kumita ng milyong piso sa pamamagitan ng mga kickbacks ng mga dati nitong opisyal. Puna pa ni Alvarez,sa mga nakalipas na panahon ay nadiskubre ng Commission on Audit (COA) ang umanoy illegal na road fund na tinatayang P90.72 bilyon mula 2001 hangganag Disyembre 2012.
- Latest
