Mga kandidato binalaan sa Avengers
MANILA, Philippines — Mga ‘baduy’ ang mga kandidato na idinadaan sa pagandahan ng poster gamit ang Avengers.
“Oh, and btw, actually hindi cool yun ipapalit nyo yung mukha nyo sa mukha ng isang Avenger. Baduy yun,” tweet ni Commission on Election (Comelec) spokeperson James Jimenez.
Nairita si Jimenez sa mga kandidatong idinikit sa katawan ng Avengers ang kanilang mga mukha.
Aniya, ginagawang bobo ng mga kandidato ang mga botante dahil sa paniniwalang kung sino ang may pinakapatok na poster ay iyon ang makakakuha ng boto.
“Ginagawa nyong bobo ang mga botante, Ma-copyright infringement sana kayo,” tweet niya pa.
Maaari pa aniyang makasuhan ng copyright infringement ang mga gumagamit sa mga imahe ng naturang superhero film sa pangangampanya kung may maghahain ng reklamo laban sa kanila.
Ang Avengers ay mga American superhero team sa Hollywood films noong taong 2012.
- Latest