40 % ng Boracay-CARP land maipapamahagi sa magsasaka-DAR
MANILA, Philippines — Maipagkakaloob sa mga magsasaka na benepisyaryo ng Comprehensive Agrarian Reform Program (CARP) ang may 40 porsiyento ng lupain sa Boracay island.
Ito’y ayon sa Department of Agrarian Reform (DAR) ay kung itutuloy ng pamahalaan ang planong land reform program sa lugar kahit na ang malaking bahagi nito ay na uukopahan na ng mga negosyo.
Ayon sa DAR, sa 408.5113 ektarya ng agricultural land sa isla ay may 1,006.64 ektarya ng lupa na maaaring isailalim sa land reform ng pamahalaan batay sa resulta ng isinagawang ocular inspection sa Boracay.
Sa ilalim ng Proclamation 1064 ng noo’y dating Pangulong Gloria Macapagal-Arroyo noong 2006, ang Boracay island ay naideklarang may 628.96 ektarya ng agricultural land at 377.68 ektarya ng forest land.
Ang may 220.44 ektarya ng agriculture land sa Boracay ay ginamit na sa ibang paraan at exempted mula sa land reform at ang nalala-bing 408.5113 ektarya ay nananatiling nasa ilalim ng reporma sa lupa.
Gayunman, sinabi ni DAR Secretary John Castriciones na wala pa namang utos ang Palasyo kung ipamamahagi ang lupa sa mga CARP beneficiaries na nasa 84 katao ang kuwalipikado.
Related video:
- Latest