Kawalan ng Boracay, pakinabang sa ibang tourist destinations
MANILA, Philippines — Sa kabila na malaki ang magiging epekto sa industriya ng turismo ang pagsasara ng Boracay, magiging kapakinabangan naman ito sa ibang destinasyon ng mga turista sa bansa.
Ayon kay Philippine Air Lines (PAL) President Jaime Bautista, inililipat na sa mga alternatibong ruta ang maraming flights bunsod ng pagbaba ng mga demands patungong isla ng Boracay.
Dahil dito, mabebenepisyuhan ng mga bagong flights ang ibang mga tourist destination sa Visayas, Mindanao at Palawan na maaaring maging alternatibong destinasyon ng mga lokal at dayuhang turista.
Bukod sa mga ito, mas bibigyang-prayoridad din ang mga ruta patungong Davao, Cebu at Clark.
Dahil sa pansamantalang pagsasara ng Boracay, maaaring magdulot ito ng pag-debelop naman sa ibang mga lugar na may potensyal din tulad ng naturang isla.
- Latest
