World Water Day: SMC nakatipid ng 4-B litro ng tubig sa isang taon
MANILA, Philippines — Nakatipid ng apat na bilyong litro ng tubig ang San Miguel Corporation na katumbas ng araw-araw na paggamit ng tubig ng humigit-kumulang 137,000 na kabahayan sa loob ng isang taon.
Ito ang pahayag ng naturang kumpanya ukol sa water sustainability project “Project 50x2025” nito na naglalayon na makabawas ng water footprint at upang mabawasan ang ginagamit na tubig ng 50 porsiyento sa taong 2025.
Nakabawas na ng 14% na ginamit na tubig ang mga negosyo ng San Miguel sa food, beverage, power, fuels, petrochemicals at infrastructure.
“This is more than half of our mid-point goal of 20% reduction by year 2020, and we’re only just beginning. We’re pleased with these results and we’re eager to reduce it further,” wika ni SMC President Ramon S. Ang.
Kabilang sa water reduction measures ay ang pagpapalit sa paggamit ng tubig dagat mula sa dating paggamit sa groundwater, surface water at water district supply.
“The first year has been about instilling a culture of conservation among our employees, and improving water systems and processes, where possible. From now through 2020, our goal is to cut as much as we can by improving water management, utilizing rainwater harvesting, and increasing the amount of water we recycle and re-use,”ani G. Ang.
“We will be retrofitting older facilities with more efficient water systems. All new facilities being built under our current capacity expansion program will already adopt features that make them water and energy efficient,”aniya.
Pinag-aaralan din ng kumpanya ang teknolohiya sa tubig para tuluyang maabot ang target sa 2025.
- Latest
