Shellfish sa Visayas at Palawan, bawal kainin

MANILA, Philippines — Ipinagbabawal ng Bureau of Fisheries and Aquatic Resources na kainin ang mga shellfish products tulad ng tahong, talaba at halaan na mula sa mga baybayin sa Visayas at Palawan.

Ito, ayon sa BFAR ay dahilan sa mataas na antas ng toxicity level ng red tide toxin sa naturang mga lugar. Partikular na ban sa paghuli at pagkain ng shellfish products sa Carigara Bay sa Leyte; Lianga Bay sa Surigao; coastal waters ng Biliran Province; at Honda Bay, Puerto Princesa Palawan.