Digong nanawagan na ipagtanggol ang kalayaan sa EDSA anniversary
February 25, 2018 | 2:45pm
"Pagyamanin pa natin ang ating demokrasya sa pamamagitan ng pagpapalakas sa ating mga mamamayan, pangangalaga sa kanilang mga karapatan, at pagpapatatag sa mga institusyong nagtataguyod ng kanilang kalayaan," paghihimok ni Duterte. The STAR/Romina Cabrera
MANILA, Philippines — "Ang rebolusyon sa EDSA ay simbolo ng pakikipaglaban para sa tama at pagtatanggol ng kalayaan."
Ito ang mensahe ni Pangulong Rodrigo Duterte sa paggunita ng ika-32 anibersaryo ng EDSA People Power Revolution ngayong Linggo.
"Simula noon, ang rebolusyon sa EDSA ang nagsilbing sagisag ng ating paninindigang ipaglaban ang tama at - sa mga mapanubok na yugto n gating nakaraan – ipagtanggol at ipagsanggal ang ating malayang pamumuhay," wika ni Duterte.
"Mahigit tatlong dekada na ang nakalipas nang ipamalas natin sa buong mundo ang ating tapang at paninindigan na baguhin ang landas ng ating kasaysayan," dagdag niya.
Nanawagan din ang pangulo sa mga Pilipino na magkaisa sa gitna ng pagdiriwang na pagyamanin ang demokrasya at tumupad sa mga mithiin at adhikain ng bansa.
"Pagyamanin pa natin ang ating demokrasya sa pamamagitan ng pagpapalakas sa ating mga mamamayan, pangangalaga sa kanilang mga karapatan, at pagpapatatag sa mga institusyong nagtataguyod ng kanilang kalayaan," paghihimok ni Duterte.
Naging daan ang EDSA revolution upang mapatalsik sa puwesto ang diktador at dating Pangulong Ferdinand Marcos.
Kinumpirma ng Palayso na nasa Davao City si Duterte at hindi siya makakadalo sa okasyon.
Ito ang pangalawang pagkakataon na hindi makakapunta ang pangulo sa pagdiriwang.
Ipinag-utos ni Duterte ang pagpapalibing kay Marcos sa Libingan ng mga Bayani noong 2016.
Related video:
BrandSpace Articles
<
>
Philstar
x
- Latest
Latest
Latest
11 hours ago
By Joy Cantos | 11 hours ago
By Jorge Hallare, Doris Franche-Borja | 11 hours ago
By Mer Layson | 11 hours ago
By Malou Escudero | 11 hours ago
By Ludy Bermudo | 11 hours ago
Recommended