Suweldo ni Bato tumaas ng 79%
MANILA, Philippines — Tumaas ng 79 % ang buwanang suweldo ni Philippine National Police Chief P/Director General Ronald “Bato’ dela Rosa na mula sa P67,500 ay magiging P121,143.00 na ang basic salary niya kaugnay ng pagtataas sa suweldo ng mga pulis ng gobyerno.
Ito’y alinsunod sa nilagdaang Joint Resolution No. 1 ni Pangulong Rodrigo Duterte upang bigyan ng umento ang base pay ng mga kasapi ng PNP at ng Armed Forces of the Philippines.
Sa ilalim ng bagong salary scheme na ipatutupad ng dalwang tranches mula 2018 hanggang 2019 ang magiging take home base pay ni dela Rosa mula P121,143.00 ay magiging P149.785 kada buwan pagsapit naman ng Enero 2019.
Si dela Rosa ay nakatakda na sanang magretiro sa Enero 21 ng taong ito sa pagsapit sa gulang na 56, ang mandatory age retirement sa PNP at AFP pero pinalawig pa ni Pangulong Duterte hanggang Abril 24 ng taong ito.
- Latest