Pari nagbabala sa ‘satanic rosaries’ na kumakalat sa bansa
Ang mga satanic rosaries ay madalas gawa sa plastik, may ahas na nakapulupot sa krus, pentagram, sinag ng araw, at simbulo ng grupong Illuminati. CBCP
MANILA, Philippines – Pinag-iingat ng isang pari ang publiko sa mga kumakalat na mga “satanic rosaries’” sa bansa.
Sa isang ulat ng Catholic Bishops’ Conference of the Philippines (CBCP), pinaalalahanan ni Fr. Ambrosio Nonato Legaspi ang mga Katoliko sa mga rosaryo na umano’y dinasalan ng mga satanista na kabilang sa grupong Illuminati.
Ayon kay Legazpi, ang mga naturang rosaryo ay maaring maging daan para sa mga masasamang espiritu na masundan at masapian ang sinumang gagamit nito.
“Kapanalig listeners, be careful as the rosaries you might be using could actually be infested or cursed,” wika ni Legazpi.
“These were made not only to be simply given away but to deceive Catholics…so that evil spirits will haunt them,” patuloy ng pari.
Hinimok ni Legazpi ang mga mananampalataya na maging mausisa sa mga ginagamit na mga rosaryo.
Ang mga satanic rosaries ay madalas gawa sa plastik, may ahas na nakapulupot sa krus, pentagram, sinag ng araw, at simbulo ng grupong Illuminati.
Bukod dito, hinimok din ni Legazpi ang mga pari na basbasan ang mga relihiyosong mga pigura upang maiwasan ang mga insidenteng maaring idulot ito.
“Not just a blessing, these items should be exorcised. Not just an ordinary blessing where water is just sprinkled–as most priests commonly do–but to use the Catholic ritual…that would frighten the demon away,” wika ni Legazpi.
- Latest
