Dayan kinasuhan sa DOJ

MANILA, Philippines - Pormal nang sinampahan ng reklamo ng mga kongresista sa Department of Justice (DoJ) ang dating driver at karelasyon ni Sen. Leila de Lima na si Ronnie Dayan.

Ang pagkaso kay Dayan ay bunsod ng pagbalewala nito sa ipinadalang summon ng House committee on justice sa kasagsagan ng imbestigasyon ukol sa illegal drug trade sa New Bilibid Prisons (NBP).

Batay sa complaint-affidavit, iginiit nina House Speaker Pantaleon Alvarez, Majority Leader Rodolfo Fariñas at Oriental Mindoro Rep. Reynaldo Umali, ang pagbalewala sa kautusan ng Kamara ay malinaw na paglabag sa batas.

Matatandaang una nang kinasuhan si De Lima dahil sa pagpayo nito kay Dayan na huwag sumipot sa mga pagdinig ng lupon sa Kongreso dahil baka mapagtawanan lang daw sila ng mga mambabatas.