Konsehal, 1 pa patay sa tandem
MANILA, Philippines - Pinagbabaril at napatay ng riding in tandem ang dalawa katao kabilang ang isang konsehal ng riding in tandem sa Purok 4, Brgy. Mangino, Gapan City, Nueva Ecija Miyerkules ng hapon.
Kinilala ang mga nasawi na si Gapan City Councilor Sonny San Jose, 40 at Antonio Punzal, residente ng Brgy. Sto. Cristo ng lungsod.
Sa ulat ng Gapan City Police, naitala ang krimen sa bisinidad ng nasabing lugar dakong ala-1 ng hapon.
Ayon sa imbestigasyon, kararating lamang ng mga biktima sa tahanan ng isang tinukoy sa pangalang Ruel Francisco nang sumulpot ang motorcycle riding na mga armadong salarin.
Armado ng cal. 45 pistol ay agad ng mga itong pinagbabaril ang mga biktima na siyang agarang kumitil sa buhay ng mga ito.
Isinasailalim pa sa masusing imbestigasyon ng mga awtoridad ang motibo ng krimen.
- Latest
