Turismo lilikha ng trabaho sa pamamagitan ng mga livelihood
MANILA, Philippines – Naniniwala si Senatorial candidate Mark Lapid na lilikha ng maraming trabaho at tutugon sa unemployment problem ng bansa ang turismo sa pamamagitan ng mga livelihood program.
Ang pagbibigay ng pansin sa turismo sa bansa ay higit anyang makapagbibigay ng oportunidad para makalikha at makapagbago sa buhay ng mahigit 10 milyong mamamayan na itinuturing ang kanilang sarili na pawang walang trabaho.
Magugunitang sa pinakahuling SWS survey lumalabas na tumaas pa rin ang bilang ng mga Filipino ang walang trabaho.
Tiniyak ni Lapid na, sa sandaling mahalal siyang senador, agad siyang babalangkas ng mga batas na nakatuon lamang sa pagpapaunlad ng turismo sa bansa gayundin ang iba pang mga social services upang higit na umunlad ang isang Filipino para sa isang mayabong na kumpetisyon.
- Latest
