Biyahe ng mga barko sinuspinde ng PCG
MANILA, Philippines - Inihayag ng Philippine Coast Guard( PCG) na sinuspinde nila ang paglalayag ng mga barko patungo at paalis ng lalawigan ng Cebu at Bohol na nakaranas ng matinding pagyanig ng lupa o lindol.
Ayon kay PCG spokesman Armand Balilo, ang pansamantalang suspensiyon ng mga biyahe ay dulot ng patuloy na nararanasang aftershocks.
Sinabi ni Balilo, hindi na muna nila pinaglayag ang lahat ng uri ng sasakyang pandagat papuntang Cebu at Bohol maging ang mga papaalis duon para maiwasan ang anumang sakuna sa karagatan.
Sentro ng pagyanig ay ang Carmen, Bohol kung saan naramdaman ang magnitude 7.2 na lindol kung saan naapektuhan maging ang lalawigan ng Cebu.
- Latest